نہال ہاشمی کا استعفیٰ واپس لینے کا فیصلہ

نہال ہاشمی کا استعفیٰ واپس لینے کا فیصلہ

مسلم لیگ ن کے سینٹر نہال ہاشمی نے آج یعنی 6جون کو پارلیمنٹ ہاؤس میں چیئرمین سینٹ سے ان کےچیمبر میں ملاقات کی اور اپنا استعفیٰ منظور نہ کرنے کے حوالے سے ایک تحریری درخواست جمع کروائی ہے

اطلاعات کے مطابق نہال ہاشمی سے ملاقات کے بعد چیئرمین سینیٹ رضا ربانی 

نے وزیر قانون زاہد حامد، سینیٹر مشاہد اللہ خان، سینیٹر پرویز رشید، سینیٹر چوہدری تنویر سے ملاقات کی اور لیگی سینیٹر کا استعفیٰ واپس لینے کی درخواست سے متعلق وزیر قانون سے مشاورت کی۔

یاد رہے کہ گذشتہ ماہ 31 مئی سینیٹر نہال ہاشمی کی غیر ذمہ دارانہ اور متنازع تقریر کے بعد وزیراعظم نواز شریف نے اس کا نوٹس لیتے ہوئے نہال ہاشمی کی بنیادی پارٹی رکنیت معطل کردی تھی، جبکہ وزیر مملکت برائے اطلاعات و نشریات مریم اونگزیب نے اس بات کی تصدیق کی تھی کہ نہال ہاشمی سے سینیٹ کی رکنیت سے بھی استعفیٰ طلب کرلیا گیا ہے۔