وزیراعظم شنگھائی تعاون تنظیم کے سربراہ اجلاس میں پاکستان کی نمائندگی کریں گے

وزیراعظم شنگھائی تعاون تنظیم کے سربراہ اجلاس میں پاکستان کی نمائندگی کریں گے 

Prime Minister Muhammad Nawaz Sharif

وزیراعظم نوازشریف شنگھائی تعاون تنظیم کے رکن ملکوں کے سربراہوں کی کونسل کے دوروزہ اجلاس میں شرکت کریں گے جوکل یعنی سات جون بروزجمعرات قازخستان کے دارالحکومت آستانہ میں شروع ہورہاہے۔ رکن ملکوں کے سربراہوں کی کونسل شنگھائی تعاون تنظیم کااعلیٰ ترین فیصلہ سازادارہ ہے جس کااجلاس ہرسال ہوتاہے۔

پاکستان کوشنگھائی تعاون تنظیم میں مبصرکادرجہ حاصل ہے اوروہ اس ہونے والےاجلاس میں تنظیم کامکمل رکن بن جائے گا۔

Expo Center Astana, Kazakhstan

تنظیم کے سربراہ اجلاس کے موقع پروزیراعظم نوازشریف اجلاس میں شریک رہنماﺅں سے دوطرفہ ملاقاتیں کریں گے۔اجلاس کے علاوہ قازخستان عالمی نمائش2017کی میزبانی بھی کررہاہے جس میں پاکستان سمیت ایک سو سے زائدملک شرکت کررہے ہیں۔وزیراعظم دوسرے رہنماﺅں کے ہمراہ نمائش کی افتتاحی تقریب میں بھی شرکت کریں گے۔