حسین نواز کا تصویر لیک ہونے پر تحقیقاتی کمیشن کا مطالبہ

حسین نواز کا تصویر لیک ہونے پر تحقیقاتی کمیشن کا مطالبہ

Hussain Nawaz

وزیر اعظم کے بڑے بیٹے حسین نواز نے آج سپریم کورٹ میں ایک درخواست دائر کی ہے۔ درخواست میں حسین نواز کی جانب سے یہ مطالبہ کیا گیا ہے کہ پاناما کیس میں جے آئی ٹی کے سامنے پیشی کے دوران ان کی تصویر لیک ہونے کے معاملے پر تحقیقاتی کمیشن بنایا جائے

حسین نواز نے درخواست میں موقف اختیار کیا ہے کہ ان کی تصویر لیک ہونا بنیادی حقوق کی خلاف ورزی ہے۔ انہوں نے تصویر لیک ہونے کے ذمہ دار تحقیقاتی ٹیم کے سربراہ واجد ضیاءاور دیگر اراکین کو قرار دیتے ہوئے کہا ہے کہ جے آئی ٹی کے اراکین اپنے اختیارات کا غلط استعمال کر رہے ہیں

Leaked Photo of Hussain Nawaz

حسین نواز نے سپریم کورٹ سے یہ درخواست بھی کی ہے کہ اس معاملے کے ذمہ داران کا پتہ لگانے کے لئے ریٹائرڈ جج کی سربراہی میں کمیشن بنایا جائے

واضح رہے کہ حسین نواز نے جے آئی ٹی میں شامل دو افراد پر اعتراض کیا تھا تاہم سپریم کورٹ نے اسے مسترد کردیا تھا جس کے چند روز قبل میڈیا پر حسین نواز کی ایک تصویر لیک ہوئی جس میں دکھایا گیا ہے کہ وہ جے آئی ٹی کے سامنے ایک نشست پر بیٹھے ہیں۔